Adsense Account Approved Kaise Kare Approval Trick In Hindi

Approved Adsense account banana sabhi bloggers ka dream hota hai. Agar aap bhi new blogger hai aur apna adsense account approved karwane ki koshis me lage hue hai. To is post se aapko sahi jankari mil jayegi, ki adsense account approved kaise kare. Google Adsense se approval ke liye aapko kai tarah ki tricks aur tips ko follow karna padega. Jiski jankari main detail se is post me likh raha hoon.

Roj hajaro new blogger apne blog ke liye adsense par apply karte hai lekin Adsense asani se sabhi request ko approval nahi deta hai. Kyunki adsense sabse best advertising program hai, isliye quality reason ke karan har 10 me se 8 adsense application reject ho jati hai. Iska sabse main reason hai Google adsense quality guidelines ko najar-andaz karna.

Sabhi new blogger bina kisi khas quality ke blog ke liye apply kar deta hai aur Adsense turant unki application reject kar deta hai. Agar aap bhi aisa karne wale hai to aapki application ka reject ho jana tay hai. Isliye apply karne se pehle aap apne blog me niche likhi in khas baaton ka dhyan rakhe aur apne blog me in tips ko implement kare.

India me sabhi Hindi blogger ke liye adsnse income ka main source hai. Agar aap bhi ek Hindi blogger hai to aapko ye tips apna adsense account approved karane me help karegi. In sabhi tips ko follow karke aap 1 din me apna adsense account approval paa sakte hai.

Adsense Account Approved Kaise Kare Approval Trick In Hindi

#1. Blog language

Sabse pehle aap ye insure kare ki aapka blog adsense ki supported language me hai ya nahi. Adsense har tarah ki languages ko support nahi karta hai. Kuch saal pehle tak adsense Hindi bhasha ko bhi support nahi karta tha lekin ab karta hai. Hindi blog ke liye aap adsense apply kar sakte hai, Lekin agar aapke blog ki language Marathi ya Malayalam hai to aap adsense ke liye apply nahi kar sakte.

 

#2. Site ka content

Adsense aisi kisi bhi site ko approve nahi karta jispar illegal aur adult content hota hai. Iske alawa Tobacco, alcohol aur hacking sites ko bhi adsense allow nahi karta. Agar aapki site par aisa kuch bhi hai to aapki site adsense se kabhi bhi approve nahi ho sakti.

#3. High quality content

Aapki site par high quality content hona jaruri hai. Agar aap bina knowledge ke kuch bhi likh-kar apni site par post karte hai to aapki application reject ho sakti hai. Aapki application adsense engineers dwara manually check ki jati hai aur wo aapki site ke content ko bhi padhte hai. Agar uhne lagta hai ki aapka content padhne par visitor ko samajh nahi aayega to wo aapki application reject kar denge.

High quality content likhne ke liye post ko SEO friendly likhe. Post ka title content se match hona chahiye. Puri post ek baar me naa likhte hue paragraph me likhe aur headings ka use kare.

On page SEO kaise karte hai

#4. Content length

High quality content ke sath hi content ki length bhi jyada hona chahiye. Agar aap 300 words se kam ki post likhte hai to adsense approval me dikkat aa sakti hai. Site ki sabhi post kam se kam 500 words ki to jarur hona chahiye. Aap apni sabhi post ko detail se likhe aur useful information likhe.

Adsense ke liye apply karne se pehle aapke blog par kam se kam 30 post jarur hona chahiye. Aur sabhi post 500 words se jyada ki hona jaruri hai. Indian blogs ko adsense aasani se approve nahi karta hai isliye ho sake to 30 se jyada post likhne ki koshih kare.

 #5. Copy content na likhe

Google aisi sabhi sites ko reject kar deta hai jispar copy content hota hai. Agar aap dusri site se copy karke apni post me dalte hai to adsense ka sapna dekhna band kar dijiye. Aap kabhi bhi copy content se adsense approved nahi kar sakte.

Google sabse unnat technologies ka use karta hai aur agar aapne apne blog me copy content dala hai. To google turant use pakad lega aur aapki application reject ho jayegi.

#6. Copyright images ka use naa kare

Copy content ki hi tarah aapke blog par copyright images nahi hona chahiye. Aap kisi bhi dusri site se image save karke apni site par use nahi kar sakte. Aisa hone par aapki adsense application reject ho jayegi. Hamesha khud ki banayi hui image hi site par upload kare.

#7. Jyada Images use na kare

Site par jyada images nahi dalni chahiye. Agar aap ek post me bahut sari image dalte hai to visitor ko content read karne me problem hogi. Aur jab adsense engineer aapki post padhenge to wo bhi turant aapki application reject kar denge. Isliye jab tak jaruri naa ho tab tak image ka use naa kare.

#8. Easy navigation

Site par jab bhi koi visitor aaye to use ek page se dusre page tak jane me suvidha hona chahiye. Site par clear aur easy navigation rakhe. Sabhi blog post ko category se likhe aur sidebar me category ya tags widget bhi lagaye. Iske alawa Popular post ya recent post widget ka bhi use kare. Jisse samajh me aaye ki koun se link kis page ke liye hai.

 

#9. Domain aur site ki age

Kuch saal pehle tak Adsense Indian sites ko 6 month se pehle approve nahi karta tha, lekin ab aisa nahi hai. Ab aap 6 month se pehle bhi apni site ko approve kara sakte hai. Iske liye aapko bas site ko adsense ki quality guidelines rules ke hisab se banana hai.

#10. Blog ki design

High quality content, length aur easy navigation se sath sath blog ki design clear aur attractive hona chahiye. Apne blog ko saf suthra rakhe. Faltu ke widget use naa kare. Jo jaruri aur useful ho wahi add kare. Background color white hi rakhe aur background me image ka use naa kare.

#11. Top level domain use kare

Ho sake to hamesha top level domain ka use kare. Domain aisa hona chahiye jo unique ho aur aapki site ke keyword se milta julta ho. Aise domain name yaad rakhne me bhi aasani hoti hai. Iske liye sabse best domain name .com hi hai. Agar aapka domain .com hai to aapki adsense application approved hone ke chances jyada hai. Iske alawa aap country code top level domain ka use bhi kar sakte hai jaise India ke liye .in, Pakistan ke liye .pk.

#12. Organic traffic banaye

Jab aap adsense ke liye apply karte hai to google ye dekhta hai ki aapki site par traffic kahan se aata hai. Approval pane ke liye ye jaruri hai ki site par traffic organic ho. Organic traffic search engine se aata hai, jaise Google, yahoo aur bing. Agar aap apni site par fake traffic ya paid traffic se visitors laa rahe hai to aapki application reject ho jayegi. Isliye aapki site par main traffic google jaise search engine se hona chahiye.

#13. Other ads ko remove kare

Agar aap adsense ke liye apply karne jaa rahe hai to uske pehle apni site ya blog se dusre sabhi tarah ke ads ko remove kar le. Adsense dusre ads programs ko allow to karta hai lekin adsense approval ke liye ye jaruri hai ki aap kuch time ke liye dusre sabhi tarah ke ads remove kar le. Agar aapki site par bahut sare ads honge to Google ko lagega ki aapne paise kamane ke liye site banayi hai naa ki useful information provide karne ke liye. Isliye kuch dino ke liye ads ko remove kar de.

#14. Site search console me add kare

Jab aap adsense ke liye apply karte hai to uske baad adsense engineers aapki site ko Google crawlers ki help se read karte hai. Aur aapki site ka pura analysis karte hai. Aise me aapki site ka search console se jude rahna jaruri hai. Search console ya webmaster tools Google ka hi product hai jo webmasters (Bloggers) ke liye free service hai. Aap apni site ko search console me add karke Google search engine me index kar sakte hai.

#15. About, Privacy aur Contact page banaye

Site me About us aur Contact page hone se Google ko aapki identity ka pata chal jata hai. Aap in pages me apni jankari clear kare jaise aapka naam, contact aur app koun hai. Iske alawa privacy policy page bhi add kare jisme aapki site ke rules likhe ho. Iske alawa aap site me author box bhi add kar sakte hai, jis se sabhi visitors ko aapke baare me pata chale.


In sabhi tarah ki tips ko apne blog me apply karne ke baad aapko apna adsense account approved karane me koi dikkat nahi aayegi. Agar aapka blog pehle se hi upar batayi gayi sabhi jankari ke hisab se bana hua hai to aap adsense ke liye apply kar sakte hai.

Adsense account ki approval process ab bahut fast ho gayi hai. Ab 24 hour ke andar hi application ka reply mil jata hai. Ummid karta hoon ki aapka adsense account approved ho jaye. Agar aapki application reject ho jati hai to google ki taraf se aapko uska reason bhi diya jayega. Aap application reject hone ke baad dubara apply naa kare, uske pehle application reject hone ke reasons ko solve kare aur fir apply kare.

Tags:
2 Comments