Airtel se Airtel Internet Data Kaise Transfer Kare [working Trick]

Airtel India ki top telecom company hai jo puri country me apni service available karati hai. Iske sath hi airtel apne user ke liye naye naye feature lekar aati hai. Aisa hi ek feature hai internet data (3G/4G) ko share karna. Airtel user apne Internet data ko kisi bhi dusre Airtel user ko transfer ya share kar sakte hai. Agar aap bhi airtel user hai aur apne kisi friend ya family member ko data transfer karna chahte hai. To iska tarika aapko is post me mil jayega. Ab jante hai airtel to airtel data transfer kaise kare.

Airtel se Airtel internet data transfer kaise karte hai

airtel me data transfer kaise kare

Apne airtel Data balance ko dusre airtel user ko transfer karne ke liye aapko “MyAirtel Family” banani hogi. Iske liye 2 tarike hai.

  1. Airtel site se
  2. SMS se

#1 Airtel site se

  • Sabse pehle aap airtel ke official data share page par jaye.
  • Ab apne airtel mobile number enter kare aur “GO” button par click kare.
  • Agar aapke paas airtel account ke password hai to enter kare ya OTP password se login kare.
  • Ab aap jise data balance transfer karna chahte hai uske number enter kare aur “ADD” button par click kare.
  • airtel se airtel data transfer kaise kare
  • Ab is number wala airtel user aapke internet data ko use kar sakta hai.
  • Is tarah aap maximum 4 airtel user ko apni “MyAirtel Family” me jod sakte hai. Fir wo sabhi user aapke internet ka use kar sakte hai.

 

#2 Mobile se

  • Apne mobile ke sms box me type kare “Share” aur send karde “121″ par.
  • Ab MyAirtel member add karne ke liye type kare “Add<space>10 digit mobile number” aur send kar de 121 par. For example – Add 5555555555
  • Fir mobile number confirm karne ke liye ek SMS aayega, aap replay me 1 type kare aur send karde.
  • Ab number MyAirtel family me add ho chuke hai aur ye number aapke internet data ka use kar sakta hai.

Ek baar member add karne ke baad aapke internet data ka use wo bhi kar sakta hai. Aap chahe to ek member ko add kare ya 4 member. Aap jitne bhi member jodenge wo sabhi aapke internet data ka use karenge.

MyAirtel family se number kaise delete kare

Agar koi user jyada internet use kar raha hai to aap use apni MyAirtel family se remove kar sakte hai. uske baad wo member aapke internet ko use nahi kar payega.

  • Kisi bhi number ko remove karne ke liye sms me type kare “DEL<space>10 digit mobile number” aur send karde 121 par.

Airtel Data share ke liye rules (T&C)

Internet data transfer ya share karne aur MyAirtel family ke kuch niyam hai jo is prakar hai.

  1. Ek prepaid user ek MyAirtel family me 4 se jyada member add nahi kar sakta hai.
  2. Ye suvidha sirf ek circle (state) me hi work karegi. Aap kisi dusre state ke airtel number ko add nahi kar sakte.
  3. 2G internet data hone par internet sharing work nahi karega. Iske liye 3G ya 4G data hona jaruri hai.
  4. Ek airtel user ek se jyada MyAirtel family create nahi kar sakta hai.
  5. Aap kisi bhi member ke data usage ko control nahi kar sakte. Koi bhi member aapke unlimited internet data ka use kar sakta hai.