Android Kya Hai? Android Ki Jankari Hindi Me

Android Kya Hai? Android Ki Jankari Hindi Me

android-ki-jankari-hindi-me
Android kya hai

 

Android kya hai? Aap aur hum sab smartphone ko android se jodkar dekhte hai. Yahan tak ki hum kisi bhi smartphone ko android phone kahte hai. Kisi bhi smartphone ka sabse pehla naamkaran android se hi hota hai naa ki us mobile ki company se. Jaise mera android phone, uska android phone.

Aaj lagbhag sabhi smart phone android operating system par chalte hai. Duniya ke sabhi desho me chalne wale 80% se jyada smart phones android enabled hote hai. Ek tarah se android ko smart phones ka king kaha jaa sakta hai.

Ab jante hai ki android ki starting kaise hui aur starting me android system kaise kaam karta tha?

Android kya hai?

Android Google ka ek important product hai jise usne mobile ki duniya me apne kadam jamane ke liye banaya tha. Android linux Kernel based ek operating system hai jo khastor par thouch screen mobile devices ke liye banaya gaya hai. Jis tarah hamare computer ya pc me windows operating system chalta hai usi tarah smart phone me android operating system kaam karta hai.

Android ka ek Open Source Project (AOSP) hai jiske tahat kai mobile companies android operating system ka prayog free me apne devices me karti hai.

Ye jaruri nahi ki sabhi smart phone android par hi chalte ho. Kuch dusre operating system bhi hai jaise Apple ka IOS, Blackberry OS aur windows ke phone jinme windows operating stytem chalta hai.

Android ki History

Android company ki suruwat 2003 me california ke Palo Alto me hui thi. Sabse pehle android ka prayog digital cameras ke operating system banane ke liye kiya gaya tha. Baad me android ka proyog mobile ke operating system banane ke liye kiya gaya.

Google bhi chahta tha ki wo mobile phones ki race me apna product utare. Isliye Google ne 2005 me android company ko kharid liya. Google ne 3 saal tak android par kaam kiya aur 2007 me apna pehla Android version launch kiya.

Android ki official starting November 2007 me hui thi. Uske baad android dhire dhire mobile phones ke liye operating system ka behtar option ban gaya. Shuruaat me android ko thoda time jarur laga. lekin baad me sabhi mobile banane wali company ne android operating system ka apne mobile phones me use karna start kar diya.

 

Android ke Sabhi Version

  1. Android  1.0 – Alpha
  2. Android 1.1   – Beta
  3. Android 1.5   – Cupcake
  4. Android 1.6   – Donut
  5. Android 2.1   – Eclair
  6. Android 2.2   – Froyo
  7. Android 2.3   – Ginger Bread
  8. Android 3.1   – Honeycomb
  9. Android 4.0  – Ice cream Sandwich
  10. Android 4.1   – Jelly Bean
  11. Android 4.4  – Kitkat
  12. Android 5.0  – Lollipop
  13. Android 6.0  – Marshmallow
  14. Android N     – Nougat

Android First user friendly OS

Alpha aur Beta version bahut hi simple or comman operating system ki tarah kaam karte the. Aaj hum jis tarah android se kai tarah ke kaam kar sakte hai. Us waqt Alpha aur Beta version me aisa kuch nahi tha. In dono operating system ka use sirf T-mobiles me hi hota tha.

Google ka sabse pehla user friendly OS Cupcake tha. Cupcake OS me user apne hisab se theme aur user interface ko change kar sakta tha. Yeh OS bahut hi popular hua aur bahut se new mobile phones me use kiya jane laga.

Cupcake OS ke baad android operating system bahut hi lokpriy ho gaya. Google ne cupcake ke success ho jane ke baad kuch sudhar karke naya android OS launch kiya. Har baar Google ne apne purane OS me sudhar kiya aur naya OS launch kiya. Iss tarah Google dwara banaye gaye OS ko hum aaj apne mobile me badi aasani se chala rahe hai.

 

 

Android ki Kamai

Aap soch rahe honge ki android sabhi mobile comapnies ke liye free hai to fir Google ki kamai kaise hoti hai? Lekin aisa nahi hai. Google sirf android free me install karne deta hai. Android ke alawa Gmail, Google Map aur Google play store install karne ke liye Google mobile banane wali company se paise charge karta hai.

 

Tags :- Android kya hai, Android ki jankari Hindi me, Android ki history, Android kab start hua, Android kaise kamata hai, Android smart phone.

4 Comments

Add a Comment

Your email address will not be published. Required fields are marked *