HomeTricks and Tips

ATM Machine Lagwane Ke Liye Avedan Kaise Kare

ATM machine lagwane ke liye bahut se log try karte hai jinke ghar ke aage khali jagah hoti hai. Lekin unhe pata nahi hota hai ki ATM kaise lagwate hai aur ATM ke liye avedan kaise karte hai. Agar aapke ghar ya dukan me khali jagah hai to aap us jagah ko kiraye se dekar ATM lagwa kar per month 20000 se 250000 tak kama sakte hai.


India me sabhi Banks apne apne ATM lagane ke liye kiraye ki jagah dhundti hai. Aur kuch aisi companies bhi hai jo sirf ATM lagane ka kaam karti hai, Jaise Indicash, India1atm, Muthootatm. Ye sabhi companies banking nahi karti hai lekin banking se related services provide karti hai.

atm machine ke liye avedan kaise kare

Aayiye ab jante hai ki ATM machine lagwane ke liye avedan kaise karte hai. Aap is post ko pura padhenge to aapko puri details samajh me aa jayegi.

Indicash ATM ke liye Apply kaise kare

Jaise ki maine bataya Indicash koi bank nahi hai. Indicash TATA company ka ek product hai. RBI ne TCPLS (Tata communication payment solution limited) ko pure India me white label ATM open karne ke liye authorized kiya hai.

  • Indicash ATM ka avedan karne ke liye Indicash ki website ko open kare.
  • Apni personal details enter kare.
  • Site details enter kare.
  • Apni khali jagah (site) ke images aur video upload kare.
  • Puri detail enter karne ke baad form submit kar de.


Form submit karne ke baad aapke mobile aur email par reference ID ka message aayega. Apne avedan ko track karne ke liye is page ko open kare. Fir apni reference id ya 10 digit mobile number enter kare. Aapko apne avedan ki sthiti pata chal jayegi.

ATM machine ke liye Requirement

Sabi ATM lagane wali banks aur companies ki kuch requirements hoti hai.

  • Three side se plaster wali diware.
  • 80-100 sq. feet space.
  • Rolling shutter.
  • Permanent power connection.
  • V-Sat lagane ke liye roof.
  • Location ke samne proper chalne ke liye jagah, steps ya ramp.
  • Front road thik hona chahiye.
  • Site ground floor par hi hona jaruri hai.

Warning 

Kabhi bhi kisi anjan vyakti ke kahne par koi kaam naa kare. Agar aapse koi kahe ki main company se bol raha hoon aur aapko ATM lagwane se pehle kuch paise jama karane honge. To aisa bilkul naa kare. Koi bhi dhokebaj vyakti aapke sath fraud kar sakta hai.

Agar aapki site ATM machine lagane ke liye select ho jati hai to company aapse koi paise nahi mangti hai. Balki company aapke sath agreement karne ke baad ATM machine lag deti hai. Aur fir per month aapko rent deti hai. Aur agar site reject ho jati hai to fir aapke paise jama karne se kuch nahi hoga.


Indicash ki tarah ki India1atm aur muthootatm ke liye bhi aap online avedan kar sakte hai. Ho sakta hai in tino me se koi ek company ko aapki jagah pasand aa jaye.

 

Tags – online atm machine apply, atm machine ke liye avedan kaise kare. atm machine lagwana hai.