Computer Ko Fast Kaise Kare Speed badhane Ke 8 Tarike

Samay ke sath sabhi computer aur laptop ki speed slow hone lagti hai. Computer ka slow work karna aur baar baar hang hona koi bhi pasand nahi karta. Aur jab aisa hota hai to bahut ghussa bhi aata hai. Ye problem jab tak thik nahi hoti jab tak ki hum koi solution nahi dhund lete ya computer ko format nahi karte. Agar aapke sath bhi aisi hi problem hai aur aapka computer bahut slow work kar raha hai. To is post me hum janenge ki computer ko fast kaise kare aur computer ki speed kaise badhaye.


Is post me batayi gayi simple tips ko follow karke aap apne computer ki speed aur performance me sudhar kar sakte hai. Aap har ek tips ko dhyan se padhe aur apne computer me apply kare.

Computer slow kyu ho jata hai

jaise jaise computer purana hone lagta hai aur bahut jyada work karta hai to uski speed par asar padta hai. Hum bahut sare software aur games install kar lete hai. Internet par kai unsecured website ko open karte hai jisse kai prakar ke virus aur malware hamare computer me ghus jate hai. Hum kai programs ek sath open kar lete hai jisse CPU memory full ho jati hai. Hamare computer me koi antivirus software nahi hone ke karan bhi computer slow work karta hai.

laptop pc ki speed kaise fast kare

Aayiye ab dekhte hai ki kaise hum kuch setting karke hamare computer ya pc ki speed ko sudhar sakte hai.

#1. Clear temporary files

Jab bhi hum koi software ya program run karte hai to wo temporary file generate karta hai. Ye temporary file computer me .TMP folder me save rahti hai. Hum kabhi bhi temporary file ko delete karne ke baare me nahi sochte hai. Lekin aisa karna bahut jaruri hai. Temporary file delete karne se hamare computer ki speed me sudhar aata hai.

Temporary file kaise delete kare

  • Apne computer me C drive ko open kare aur windows folder me Temp folder ko open kare.
  • Windows 7 ke liye start menu me %temp% likhkar enter key press kare. Windows 8 ke liye windows key+R key press kare aur temp likhkar enter key press kare.
  • Ab temporary folder open hone ke baad Ctrl+A se sabhi file select kare aur delete kar de.

Aap din me kam se kam ek baar temporary files ko delete kar de. Isse ek sath kai files store nahi hogi aur computer slow nahi hoga.

#2. Uninstall unwanted programs

Hum kai tarah ke software aur games computer me install karte hai aur unka use karte hai. Lekin kuch time baad unme se kuch ko hum bhul jate hai. Ye program ab hamare kaam me nahi aate hai aur hamare computer me bekar me storage badhate hai.

Iske alawa hamare computer me bahut se aise software aur program install rahte hai jinka hum kabhi use hi nahi karte. Aise me in sabhi unwanted programs ko uninstall karne se hamare computer processor ko inke liye kaam nahi karna padta. Aur jyada CPU memory free hone se computer smoothly work karta hai.

Program uninstall karne ke liye computer me “control panel” open kare aur fir “Frograms and Features” par click kare. Yahan aap apne computer me install sabhi tarah ke program ki list dekh sakte hai. Ab inme se jo program aapke kaam ka nahi hai use uninstall kar de.

#3. Startup program disable kare

Jab bhi hum computer start karte hai to kuch program starting me automatic run ho jate hai. Ye hume screen par dikhai nahi dete lekin background me running process me rahte hai. Ye auto start program hamare CPU processor ki memory ko full kar dete hai aur computer starting se hi slow work karne lagta hai.

In startup programs ko disable karne ke liye apne computer ke start menu me msconfig type karke enter dabaye. Ya fir windows key+R key press karke msconfig type kare aur enter press kare.

Ab startup tab par click kare aur un sabhi program ko unchecked kar de jinhe aap starting me run nahi hone dena chate hai.

Windows 8 me startup programs aapko task manager me mil jayenge. Windows 8 me task manager open karne ke liye ctrl+shift+Esc button press kare. Fir startup tab par click kare aur enable program ko select karke Disable kar de.

computer ki speed kaise badhaye

Warning – Dhyan rahe ki aap sirf download kiye gaye ya install kiye gaye program ko hi Disable kare. Bahut se program OS software hote hai aur agar aapne inhe disable kar diya to aapka computer dead bhi ho sakta hai. Iske liye aap program ke samne Publisher wale column me Intel aur Microsoft jaise publisher ke software disable na kare.

#4. End background processes

Hamare comuter me bahut se program aise hote hai jo background me chalte rahte hai. Ye program hume screen par nahi dikhai dete hai lekin hamre CPU processor aur RAM ka use karte hai. Jisse computer ki speed par asar padta hai.


Background processes ko band karne ke liye computer ke Task manager ko open kare. Fir Memory aur CPU tab par click kare, isse aapko sabse jyada memory use karne wale program sabse top par dikhai denge. Ab jis program ko aap band karna chahte hai, uspar click kare aur “End Task” button par click karde.

computer ko fast kaise kare

#5. Add More RAM

Agar aap apne computer me bahut jyada software ek sath use karte hai to aapke compute ki RAM ka full ho jana asan baat hai. RAM memory full hone se sabhi program not responding show karne lagte hai aur computer hang ho jata hai.

Is problem ka sirf ek hi solution hai ki aap apne computer ki RAM drive ko badha de. Market me aapko 2 GB se lekar 10 GB tak ki RAM drive asani se mil jayegi.


Computer ki RAM badh jane se sabhi program ek sath smoothly work karne lagenge aur aapka pc hang nahi hoga.

#6. Open programs close kare

Computer me kaam khatm hone ke baad hum open programs ko off karna bhul jate hai. Aur ek ke baad ek bahut sare software ya program ek sath open kar lete hai. Aisa hone par CPU aur RAM memory full ho jati hai. Hamesha kaam pura hone ke baad program ko band kar dena chahiye.

Aksar hum internet chalate samay browser me ek sath bahut sare tab open kar lete hai. Ek sath kai tab open hone se har tab CPU ka use karta hai aur computer ki speed par iska asar padhta hai. Upar task manager image me aap dekh sakte hai ki Chrome browser ke sabhi tab alag alag CPU aur RAM memory ka use kar rahe hai.

#7. System tray programs close kare

Hamare computer me kuch software aise hote hai jo har kuch samay baad notification show karte hai. Ye program band karne ke baad bhi fir se background me run hone lagte hai.

Inhe band karne ke liye apne computer ke bottom me up arrow par click kare. Aur jis program ko aap band karna chahte hai us par right click kare aur Exit kar de.

computer ki speed fast karne ka tarika

#8. Use antivirus

Agar aap computer ka use internet chalane ke liye karte hai to aapke compute me ek strong antivirus software jarur hona chahiye. Antivirus program internet se aane wale virus aur malware se computer ko safe rakhta hai. Aur computer ki sabhi disk ko virus free bhi rakhta hai.

Antivirus ka use karke aap week me ek baar pure system ko scan kar sakte hai aur computer me hone wale virus attack se bach sakte hai.

 

Tags – how to make computer faster in Hindi, Computer ko fast kaise kare, laptop ko fast kaise banaye, computer ki speed fast karne ka tarika, computer ko fast kaise banaye.