Computer Me Password Kaise Daale or Lock Kaise Kare

Aaj ki post me hum janenge ki apne personal computer me password kaise dala jata hai aur computer ko lock kaise karte hai. Kai baar jab koi hamare computer ko bina permission open karta hai to hum uncomfortable mahsus karte hai. Hume dar laga rahta hai ki samne wala hamare computer me naa jane kya open karega aur kya-kya dekhega. Aisa lagbhag sabhi computer users ke sath hota hai aur hum chahkar bhi kisi ko mana nahi kar pate. Iska sirf ek solution hai ki hum apne computer ko password protect kar de. Computer me password lagane ke liye ek bahut hi simple option hota hai. Agar aap nahi jante hai ki computer me password kaise daale aur lock kaise kare to main aapko bahut hi simple tarika bataunga ki computer me password kaise lagaye.

computer me whatsapp chalane ka tarika

Computer me password lagane se fayda

Kisi bhi computer owner ko yeh pasand nahi ki koi bina permission uske computer ko open karke chalaye. Hum computer se internet par kai tarah ki sites open karte hai aur social sites ka bhi use karte hai. Hamari absence me koi bhi hamare computer ko open karke yeh sab jan sakta hai.

Aise me agar koi yeh jaan le ki hamne internet par kya kya dekha aur Facebook par hum kiske sath chatting karte hai to wo kisi ke bhi samne hamari personal life ko expose kar sakta hai.

Iske alawa agar aapne koi personal jankari apne computer me save kar rakhi hai to ho sakta hai ki koi puri niyat se use chura le.

 

Isse bachane ka tarika yehi hai ki hum hamare computer me password laga de fir koi bhi hamari ijajat ke bina computer nahi chala payega.

Aayiye ab jante hai ki computer me password kaise dala jata hai aur lock kaise kiya jata hai.

Computer me password kaise daale/Lock kaise kare

Jaisa ki maine bataya computer me password lagana bahut hi easy hai. Iske liye aapko niche bataye gaye steps follow karna hai uske baad aap easily apne computer ko lock kar payenge.

Step 1. Sabse pahle apne computer me Start button par click kare aur Control Panel option ko select kare.

computer ko lock kaise lagaye

Step 2. Ab control panel me bahut sare option show honge yahan par “User accounts” option ko select kare.

pc ko lock kaise kare

Step 3. Ab sabse upar wale option “Create a password for your account” par click kare.

computer me password kaise dalte hai

Step 4. Ab aapko apna password enter karna hai.

computer par lock lagana step by step

  1. Is field me apni pasand ka password enter kare.
  2. Fir se password enter kare.
  3. Is option me password se related koi hint likhe taki agar aap password bhul jaye to aapko hint padhkar yaad aa jaye.
  4. Aur phir “Create password” button par click karde.

Aapke computer me password set ho gaya hai aur ab aap hi apne computer ko password se open kar sakte hai. Aap apna password uppercase ya lowercase me likh sakte hai.

 

Dhyan rahe jaisa aapne password enter kiya hai vaisa hi baad me computer open karne ke liye enter kare. Aur password simple naa banaye numbers ka use bhi kare taki koi aasani se computer open naa kar paye.

Password hint me aap password se related koi bhi hint likh sakte hai jaise agar password myindia hai to hint me sirf my likh de Jisse aapko password yaad aa jaye. Hint me apna password naa likhe kyunki hint password enter karte time show hoti hai jisse koi bhi Pc open kar sakta hai.

Computer ka password kaise change kare

Agar aapka lagta hai ki aapne kamjor password set kiya hai aur aap fir se apna password change karna chahte hai to iske liye same process hai.

Start button se control panel open karna hai aur user accounts par click karne ke baad “change your password” par click karna hai.

computer ka password kaise change kare

  1. Is field me apna current password enter kare.
  2. New password enter kare.
  3. Password confirm kare.
  4. Password se related hint enter kare.
  5. Last me “Change password” par click kar de.

Is tarah aap apna old password change karke new password bana sakte hai. Ab aap jaan gaye hai ki compute me password kaise daale aur agar jarurat padhe to password change kaise kare. Ab aap bhi apna computer lock karke apne personal data ko safe rakh sakte hai.

Add a Comment

Your email address will not be published. Required fields are marked *