HomeComputer

Computer Me Screenshot Kaise Le or Save Kaise Kare

.
Computer, laptop ya Pc me screenshot lene ke liye ek hi method kaam karti hai. Agar aap nahi jante hai ki computer ya laptop me screenshot kaise lete hai to aaj aap badi aasani se screenshot lena sikh jayenge. Iss post ko padhkar aap computer me screenshot lena aur use save karne ka tarika jaan jayenge.

Computer/Laptop me screenshot lene ke tarike

Aap apne pc ya laptop me 2 tariko se screenshot le sakte hai.

  1. PrtSc button ko press karke.
  2. Snipping tool ki help se.

In dono tariko se alag type ke screenshot liye ja sakte hai lekin ye dono tarike bahut hi easy hai.

PrtSc button se screenshot lene ka tarika

Lagbhag sabhi laptop me PrtSc ya PrtSc SysRq button hota hai. Ye button sabse upar wali row me Pause Break ya Delete button ke paas hota hai. Agar aap laptop use kar rahe hai to yeh button jarur mil jayega. Desktop Pc aur external keyboard me ye button bahut kam milta hai.

Yadi aapke keyboard me PrtSc button nahi hai to aap screenshot lene ka second tarika padhe.

Prtsc se screenshot kaise le

  • Aapko jab bhi kisi page ka screenshot lena ho tab PrtSc button ko press (daba) kar de.
  • PrtSc button ko dabane ke baad koi bhi notification nahi dikhai dega, Lekin puri screen ka ek scereenshot capture ho jayega.
  • Ab apne computer me Paint ko open kare.
  • Paint open hone ke baad Ctrl+V press kar de.
  • Aapka captured screenshot paste ho jayega.
  • Ab aap paint me screenshot ko edit kar sakte hai.
  • Edit karne ke baad screenshot ko save kar le.


Example ke liye mujhe apne computer me iss page ka screenshot lena hai jo kuch aisa dikhai de raha hai.

computer me screenshot kaise le

 

Ek baar PrtSc button click karne ke baad maine Paint me jakar screenshot ko paste kar diya. Ab paint me captured screenshot aisa dikhai dega.

 

laptop me screenshot kaise lete hai

Snipping tool se screenshot lene ka tarika

Agar aapke keyboard me PrtSc button nahi hai to aap snipping tool ki help se aasani se screenshot le sakte hai. Sabhi windows operating systems me snipping tool hota hai.

Snipping tool ki help se hum kisi bhi page ka khaas hissa capture kar sakte hai. Jabki PrtSc button se screenshot lene ke baad hume image ko paint me edit karna padta hai.

Snipping tool se screenshot kaise le

  • Sabse pehle Start menu me jakar snipping tool search kare.
  • Ab snipping tool ko open kare.
  • Snipping tool ko open karne par ek chota window open hoga jo aisa dikhai dega.
  • snipping tool se screenshot kaise lete hai
  • Snipping tool me New button par click kare.
  • New Button par click karne ke baad Pointer ki madad se aap jitna area screenshot me lena chahte hai usse select kare.
  • Ek baar mouse button chorne ke baad aapke dwara select kiya gaya area capture ho jayega aur phir snipping tool me wo image dikhai dene lagegi.
  • computer me screenshot lene ka tarika
  • Ab aap save button par click karke image ko save kar sakte hai.

.
Snipping tool ka use jyada kiya jata hai kyuki isme hum apni marji se kisi khas area ka screenshot le sakte hai. Aap dono tariko se apne computer me screenshot le sakte hai. Agar aapko koi problem aa rahi hai to aap mujhse comment me sawal puch sakte hai.

 

Ye bhi padhe –

 

Tags – Laptop me screenshot kaise le, Computer me screenshot kaise lete hai, Snipping tool se screenshot kaise kare, Screenshot ko save kaise kare.

Comments (1)

Leave a Reply

Your email address will not be published. Required fields are marked *