HomeInternet Tips

Email Kaise Bhejte Hai or Email se Photo Kaise Bheje

How to send email in Hindi – welcome friends, aaj ki post me hum janenge ki gmail ya yahoo se email kaise bhejte hai? Aur email ke sath photo kaise bheje, iske baare me bhi detail se janenge.

Aaj ke samay me technology kafi advance ho gayi hai lekin email ka concept aaj bhi wahi hai. Jab hamare paas smart phone aur internet ki itni suvidha nahi thi us waqt email hi primary messaging karne ka sabse bada jariya tha. Aaj har kisi ke paas internet ki pahunch hai aur social networking apps se hum instant kisi se bhi baat kar sakte hai. Itna hi nahi ab to video call bhi badi aasani se ki jati hai jabki pahle aisa kuch bhi nahi tha.

Online bahut se tarike hai kisi ke sath chat karne ke liye lekin fir bhi e-mail aaj bhi utna hi popular hai jitna pahle tha. Aaj bhi job resume send karne ke liye email ki jarurat padti hai aur sabhi student ke liye bhi yeh jaruri hai. Agar aap bhi kisi ko mail ya photo bhejna chahte hai to is post me main aapko bataunage ki gmail se email kaise bheje.

email kaise bhejte hai aur email se photo kaise bheje

 

Email kya hai

Electronic mail iska pura naam hai jiska matlab hota hai 2 electronic machines ke bich transfer kiya gaya koi message. Pahle mail sirf computer ke dwara hi bheje jaa sakte the lekin ab smartphone se bhi ye kiya jaa sakta hai.

Email ka sabse bada benefit yeh hai ki yeh hamesha safe rahta hai. Agar hamara mobile ghum jaye to samjho pura data gaya lekin email ke sath aisa nahi hai. E-mail hamesha us service provider ke data storage me safe rahta hai jiska hum mail address use kar rahe hai, jaise google ka gmail ya yahoo mail.

Agar kabhi hamara mobile chori ho jaye ya kho jaye to hum kisi bhi computer ya dusre mobile me sign in karke hamara mail padh sakte hai aur kisi ko bhej bhi sakte hai.

Read – Mobile se email kaise bheje

Gmail se email kaise bhejte hai

Sabse pahle to aapke paas ek email address hona chahiye aur uske baad jise aap mail send kar rahe hai uska bhi email address aapke paas hona chahiye. Iske alawa mail bhejne ke liye internet connectivity ki bhi jarurat padti hai.

Agar aapke paas koi bhi email address nahi hai to is post ko padhe – e-mail account kaise banaye. Agar aapke paas pahle se hai to aage ki process dekhte hai.

Step 1 : Gmail se mail bhejne ke liye sabse pahle mail account me sign in kare uske baad ye process follow kare.

  • Sign in karne ke baad aapke samne inbox tab open hoga, yahan par “COMPOSE” button par click kare.
  • gmail se email kaise bheje
  • Ab “New message” ka box open hoga jo is prakar dikhega.
  • how to send email in hindi

Step 2 : Yahan par aapko 3 field dikhai degi “To“, “Subject” aur ek field empty show hogi.

  • To – Isme aapko us person ka email address dalna hai jise aap mail send kar rahe hai. Example ke liye maine “[email protected]” enter kiya hai.
  • Subject – Is field me aap jis topic par message likh rahe hai wo enter kare. Aap chahe to ise khali bhi rahne de kyunki ise likhna jaruri nahi hai.
  • Ab sabse niche wali khali jagah me aap apna pura message likh sakte hai.

Apna message pura type karne ke baad “Send” button par click kar de, aapka mail samne wale person ke paas chala jayega.

Email se photo kaise bheje

Abhi upar jo tarika aapne jana usme hum kisi ko bhi normal mail type karke send kar sakte hai. Lekin agar aap mail ke sath apna koi photo ya file jaise resume bhejna chahte hai to iske liye simple sa tarika hai. Aayiye jante hai email se photo kaise bheje?

Ek baar fir se upar wali image ko dekhe maine usme 3 arrow ke sign lagaye hai jo is kaam aate hai.

  1. Is option se aap text ka font aur size kam jyada kar sakte hai.
  2. Agar aap koi file (resume) send karna chahte hai to is option se kar sakte hai.
  3. Email se photo bhejne ke liye is option par click kare aur fir “Upload” par click karne ke baad photo upload ho jayenge.

Ek baar photo upload ho jane ke baad aap normally send button se mail ko send kar de.

Conclusion

To friends aapne jana ki email bhejna kitna easy kaam hai. Ek baar aapne ye kar liya to aapko koi problem nahi aayegi. Agar aap koi sawal puchna chahte hai to comment jarur kare aur is post ko share karna naa bhule.

Comments (0)

Leave a Reply

Your email address will not be published. Required fields are marked *