HomeInternet Tips

Google Par Gmail Account Kaise Banaye


Agar aap online koi bhi account banane ke liye sign up karte ho to aapko ek mail address ki jarurat padti hai. Mail address kai prakar ke hote hai jaise , Gmail, Yahoo mail, Hotmail. In sab me Gmail sabse popular hai. Bahut se naye logo ko pata nahi hota hai ki Gmail account kaise banaye? Google par gmail account banana bahut hi aasan hai. Ek baar aap puri process padh lenge to aapko google mail account banane me 2 minute se bhi kam samay lagega. Aayiye sabse pehle jante hai ki google ka gmail account kis kaam aata hai aur gmail account kaise banate hai?

Gmail account kya hai?

Baaki sabhi dusre mail ki tarah gmail bhi electronic mail bhejne ke kaam aata hai. Google ka apna ek mail product hai jise hum Gmail kahte hai. Gmail ka account puri tarah free hai aur iska koi charge nahi lagta. Google ke gmail account se hi hum apna google play store ka account chalate hai.

Aaj ke samay me sabhi ke paas smart phone hai aur lagbhag 90% smart phone android operating system par chalte hai. Kyuki android google ka product hai isliye google play store me sign in karne ke liye hume gmail account ki jarurat padti hai. Agar aapne abhi tak apna google ka gmail account nahi banaye hai to ab time aa gaya hai ki aap bhi apna ek mail account bana le. Ab jante hai ki google par gmail account kaise banta hai?

 

Gmail account kaise banaye

Sabse pehle aap apne mobile ya computer me google search kare. Ab aapko right side me Sign in ka button dikhai dega. Sign in par click karne ke baad aapko email aur password enter karne ka option aayega. Thik usi ke niche “Creat account” ki link bhi dikhai degi. Aapko “Creat account” link par click karna hai.

google par gmail account kaise banaye

 

Link open hone ke baad details enter karne ke liye ek form open hoga. Jo iss image ki tarah dikhega.

 

google mail account kaise banaye

 

Is page par aapko aapki puri jankari enter karna hai.

  1. First name – Apna real name use kare
  2. Last name – Apna Surname dale
  3. Choose your username
  4. Create a password
  5. Confirm your password
  6. Aapki date of birth – enter your real date of birth
  7. Gender
  8. Mobile number – Enter valid mobile number for future inconvenience
  9. Agar koi dusra email address hai to use “Your currest email address” me likhe.


Apna name, date of birth real use kare. Aapko kabhi bhi future me asuvidha hone par yeh kaam aayega. Sath hi personal mobile number dale. Agar aapke gmail account me kuch bhi invalid activity hoti hai to mobile number par aapko sms ke dwara pata chal jayega.

Sabhi information enter karne ke baad “Next page” button par click kar de.

 

Google verification process

Agle page par aapko apna mobile number confirm karna hoga.

gmail account kaise banate hai

 

Mobile number jo aapne pehle enter kiye the wo automatic aa jayenge. “Text message” ya “Voice” call par tick kare aur continue kar de. Aapke mobile par ek code aayega use agle page par enter kar de aur verify my account par click kare. Ab aapko kuch nahi karna hai kyuki aapka account ban chuka hai.

Mail account ke liye fir se sign in page par jaaye (Upar jo account page ki link hai uspar click kare). Ab apna email enter kare aur next par click kare fir password daale aur Sign in kar de, aap login ho jayenge.

Is tarah aap apna google account badi aasani se bina koi problem ke bana sakte hai. Bas ek baat ka dhyan rakhe ki kisi bhi galat information ka use naa kare. Agar aap aisa karte hai to yeh aapko bhari padh sakta hai. Aap khud ke naam se bahut se gmail account bana sakte hai. Lekin meri salah hai ki ek gmail account ka use karna hi kaafi hai.

Ab aap jante hai ki gmail account kaise banaye. Agar aapko koi problem aa rahi hai to comment karke jarur puche.

 

Ye bhi padhe –

 

 

Tags – Google gmail account kaise banate hai, Gmail account kaise banaye, Google play store ke liye account kaise banaye, Play store id kaise banaye, google mail kaise banate hai.

 

Comments (0)

Leave a Reply

Your email address will not be published. Required fields are marked *