Mobile Notification Kaise Band Kare System Update Hataye

Notification kaise band kare – Sabhi popular android apps me user ko alert karne ke liye notification system hota hai. Jis se hume kisi bhi new message aur activity ke baare me turant pata chal jata hai. Lekin ye notification kabhi kabhi hamare liye musibat ban jata hai. Jyadtar facebook or whatsapp app ke notification jo har kuch der me hamari mobile screen par notification show karte rahte hai. Jab bhi hum internet data on karte hai to whatsapp ke notification ek sath show hone lagte hai aur hamara mobile kabhi kabhi hang ho jata hai. Is problem se agar aap bhi pareshan hai to iske liye ek simple solution hai. Jis se aap apne mobile me kisi bhi android app ke notification ko hamesha ke liye band kar sakte hai.

android notification kaise off kare

Mobile me notification kaise band kare

Apne mobile phone me unwanted notification ko band karne ke liye aap step by step is puri jankari ko padhe.

  • Sabse pehle apne mobile ki setting open kare.
  • Ab setting me App section par click kare.
  • Ab aapko jis app ke notification alert off karna hai uspar click kare.
  • mobile me notification kaise band kare
  • App open hone ke baad App Info page par “Show notification” option ko uncheck kar de.
  • Ab is app ke notification alert band ho jayenge.

Ab aap is setting se ek-ek karke sabhi apps ke notification band kar sakte hai.

System update notification kaise band kare

Kai baar mobile me aise notification aa jate hai jo kisi app ke nahi hote hai. Aisa Samsung mobile phones me adhiktar hota hai. Samsung me system update available notification bahut koshis karne par bhi remove nahi hota hai. Samsung aur kisi bhi mobile me is tarah ke notification ko hatane ka ek simple solution hai.

  1. System update alert hatane ke liye us notification ko kuch second tak click karke rakhe.
  2. system update notification kaise band kare
  3. Ab notification ke samne “App info” ya “(i)” symbol par click kare.
  4. Ab notification app open hogi jahan baki sabhi apps ke tarah “Show notification” option dikhai dega.
  5. Aapko bas “Show notification” option ko uncheck karna hai. Uske baad system update alert band ho jayega.

Is tarah aap kisi bhi android app ke faltu notification alert ko off kar sakte hai.

2 Comments

Add a Comment

Your email address will not be published. Required fields are marked *