On Page SEO Kaise Kare – On page Optimization Ki Jankari Hindi me

On page SEO kya hai

on page seo kaise kareOn page optimization ya on page SEO ka main use kisi bhi new post ko likhne ke waqt kiya jata hai. Jitna jyada hum on page SEO ka dhyan rakh-kar post ko likhenge utni hi jyada humri post ki search engine me ranking badhegi. On page SEO ki sabhi techniques ka use karke hum apni post ko search engine ke first page par laa sakte hai. On page SEO ka use kisi bhi site par ek jaisa hi hota hai fir chahe aapki site Hindi me ho ya English me. Iss post me hum puri detail me samjhenge ki on page SEO kya hai, aur apni site par on page SEO kaise kare?


Agar aap SEO ke baare me kuch nahi jante hai to pahle “SEO kya hai” ke baare me padhe.

On page SEO kaise Kare

Kisi bhi new blog post ko likhne se pehle hum uske baare me detail jankari padhte hai aur uske liye ek keyword bhi choose karte hai. On page SEO karne se pehle hume pakka kar lena chahiye ki hum post kis baare me likhne wale hai aur hamari post ka topic kya hai? Ek baar keyword aur post ki jankari tay ho jane ke baad hum us post ke liye on page SEO ka prayog kar sakte hai.

Koi bhi search engine hamari post ko padhkar uski rank tay nahi kar sakta. Isliye hume apni post ke structure ko iss prakar se step by step likhna hota hai ki search engine use samajh paye. On page SEO me hume yahi sab karna padta hai.

Pichli post me aapne jana ke SEO kya hota hai aur on page SEO ke kuch khaas point bhi padhe honge. Unhi sabhi main points ko hum iss post me detail me padhne wale hai.

 

1. Post title likhna

Post ka title sabse important hota hai kyuki search result page me wahi hamari post ko dikhata hai. Page ka title aisa hona chahiye jisse pata chale ki post kis baare me hai. Dusra important factor hota hai keyword ka post title me use karna. Hum kis topic par post likh rahe hai uska main keyword hamare post title me hona sabse jaruri hai.

Agar aap SEO ke baare me post likh rahe hai aur aapka main keyword “On page SEO” hai to aapka post title kuch is prakar hona chahiye.

  • On page SEO kaise kare.
  • On page SEO ki jankari Hindi me.
  • Blog par On page SEO kaise karte hai.
  • On page SEO ke main factor kya hai.

Jaisa ki aap dekh sakte hai sabhi post titles me “On page SEO” keyword ka use hua hai. Jahan tak sambhav ho sake hume apne page ke title ki starting main keyword se hi karna chahiye. Mian keyword ka use starting me karne se visitors ko aasani se pata chal jata hai ki aapki post uske dwara search kiye gaye keyword ke baare me hai. Starting me main keyword ka use karne se search enigne bhi hamari post ko ahmiyat deta hai.

Agar hamara main keyword post title ke end me hoga to search karne wala use padh nahi payenga. Aisa isliye kyuki search engine result page (SERP) par 10 result hote hai, aur unme se koi na koi dusri site ka result aisa hota hai jiski post ka title main keyword se start hota hai. Aisa hone par search karne wala hamari post par click karne ki bajay dusri site par chala jayega. Agar aisa hota hai to hamari post ka CTR (Click Through Rate) rate bhi bahut kam ho jayega.

Post ke title ki lenght 70 characters se kam aur 8 se 12 words ke bich me hona chahiye. Google search result page par isse jyada bada post title puri tarah se show nahi hoga. Jyada short title likhne se search karne wale ko chota title padhkar puri jankari ka andaza nahi ho payega.

 

Post title me catchy words ka use

Page ke title me Catchy words ka use karne se bahut fayda milta hai. Catchy words jaise TOP 10, Killer tip, Amazing trick, Secret, Free, Easy money, Best words ka post title me use karne se visitor ke post title par click karne ki sambhavna badh jati hai. Yeh ek simple trick hai jisme catcy word ko padhkar visitor hamari post ki aur aakarshit ho jata hai. Agar hum apne page ke title me catcy words ka use karte hai to hamara CTR (Click Through Rate) rate bhi badh jata hai aur search result me ranking bhi badhti hai.

 

2. URL ka structure

Title ke baad dusra on page seo factor hota hai URL structure ko thik se set karna. URL ko permalink ke naam se bhi jana jata hai. Jis tarah hum apni post ke title me main keyword ka use karte hai, usi tarah main keyword ka URL me bhi hona jaruri hai.

URl ka structure search engine friendly hona chahiye. Agar search engine URL ko thik se nahi padh payenga to hamari ranking par iska asar padta hai. Example ke liye maine iss post ke URL ko alag alag URL ke format me likha hai jisse aap samajh sake ki URL ke structure kaise hote hai?

  1. http://kaisebhi.in/?p=123
  2. http://kaisebhi.in/2016/10/25/on-page-seo-kaise-kare/
  3. http://kaisebhi.in/2016/10/on-page-seo-kaise-kare/
  4. http://kaisebhi.in/archives/123
  5. http://kaisebhi.in/on-page-seo-kaise-kare/
Read also  Google Search Console me Sitemap Kaise Submit Kare

Aap dekh sakte hai ki sabse first url me post ka main keyword hai hi nahi. Ise “Plain” url structure kaha jata hai. Agar aap is url format me post likhenge to aapka main keyword url me nahi aayega. Ye search engine ke liye bilkul bhi upyogi nahi hai.

Second url me main keyword to hai lekin sath hi isme date, month aur year bhi aa gaye hai. Date hone se yeh url bahut badi ho jayegi aur search result page par puri tarah se dikhai nahi degi.

Third url me main keyword ke sath year aur month bhi hai jo url ko bahut bada bana rahe hai, isliye ye bhi on page seo ke liye thik nahi hai.

Fourth url me sirf “acrhive/123” hai. Ise “Numeric” url structure kaha jata hai. Isme na to main keyword hai aur naa hi koi dusra word. Iss url ke format me likhne par post ko sirf ek uniqe number mil jata hai. Yeh bhi seo friendly bilkul nahi hai.


Fifth url me sirf wahi words hai jo hamari post ka title hai, “on page seo kaise kare”. Iska matlab iss url format ka use karne par hamari url seo aur search engine friendly banti hai. Isme na to date hai aur naa hi koi number. Iska use karne par url short bhi rahti hai aur search result page par puri show bhi hoti hai.

Ab aap samajh gaye honge ki url structure seo ke liye kyu jaruri hai. Hamari url simple hona chahiye jisse search engine usse thik se index kar paye aur search result me wo puri tarah se dikhai bhi de.

Url format change (set) kaise kare

Agar aap wordpress ka use kar rahe hai to aapko apni url structure ko check kar lena chahiye. Default wordpress url seo friendly nahi hoti hai. Apni site ki URL format ko simple rakhne ke liye Settings>Permalinks> open karke “Post name” option ko check kar de. Ab jab bhi aap koi post likhenge to us post ka title automatic url me bhi change ho jayega.

Url me stop word ka use na kare

Hum manually bhi url likh aur edit kar sakte hai, lekin aisa karte waqt hum ye dhyan rakhna jaruri hai ki hum url me stop words ka use to nahi kar rahe hai.

Stop words jaise in, or, the, of, for ko google jaise search engine index nahi karte hai, kyuki ye common words hai. Hume bhi in words ka prayog url me nahi karna chaiye. Stop words ka use karne par hamari url ki length badh jati hai jabki search engine un words ko index nahi karta hai. Bahut hi jaruri hone par aap manually stop word ka use kar sakte hai.

 

3. First paragraph me kwyword ka use

Post ki starting me hume 300 words ke andar hi apne main keyword ka use karna chahiye. Isse post padhne wala sure ho jayega ki wo wahi padh raha hai jiske liye wo aapki site par aaya hai. Search engine bhi first paragraph me main keyword ko check karta hai aur iska ranking par positive asar hota hai.

 

4. H1 tag ka use

Hamri post ka sabse pehla tag H1 tag se start hona chahiye. WordPress me post ka title automatic H1 tag me change ho jata hai. Manually H1 tag ka use karne ke liye post editor me hum iss prakar tag add kar sakte hai.

<H1> your words  </H1>

H1 tag ka use post ke starting me aur puri post me sirf ek baar hi karna chahiye. H1 tag se pehle kisi dusre tag (H2, H3) ka use na kare.

 

5. Subheadings (H2, H3, H4…)

Title aur H1 tag ke baad puri post ko alag alag hisso me bantkar likhna chahiye. Subheadings ka use bhi H1 tag ki tarah kiya jata hai. Aisa karne se visitors ko post ke alag alag hisso ko padhne me aasani hoti hai. Agar post ki lenght bahut jyada hai to padhne wale ko subheading se pata chal jata hai ki us hisse me aapne kya likha hai. Aur agar hum subheadings ka use nahi karte hai to post padhne wale ko post ke sabhi hisso ko samajhne me kathinai hogi.

Jis prakar hum puri post me sirf ek baar H1 tag ka use karte hai usi tarah baaki ki post me hum H2 ya H3 tag me se kisi ek ka use kai baar kar sakte hai. Sabhi tags ka use sequence se kare. Aisa na ho ki pehla tag H3 hai aur uske baad wala H2. Subheadings ka use karne se search engine us heading ke content ko aasani se samajh pata hai aur us heading ke keyword ka SEO par positive asar hota hai.

Read also  Google Sitemap Kaise Banaye Apne Blog ya Website Ke Liye

Puri post me koi na koi ek subheading aisi bhi hona chahiye jisme aapka main keyword bhi aata ho. SEO ki najar se ye faydemand hota hai. Main keyword ki jagah hum usse milte julte keyword ka bhi use kar sakte hai.

6. Image use karna

On page SEO me image ka hona bahut hi jaruri hai. Kisi bhi post ko likhne se pehle hume us topic se related image ko choose kar lena chahiye. Ek post me 2 ya 2 se adhik images ka use kiye jaa sakta hai. Lekin sabse pehli image aapki post se related hona chahiye. Image clear aur aisi hona chahiye jisse post padhne wale ko image dekhkar hi samajh aa jaye ki aapne pura topic kis baare me likha hai.

Aap iss post ki starting me dekh sakte hai ki maine image ko bilkul clear aur aisa banaye hai jisse pata chalta hai ki ye post On page SEO kaise kare ke baare me hai. Aap post me jitni bhi images ka use kare wo sabhi topic se related hona chahiye. Topic se hatkar aur bekar ki image ka use karne se visitor par iska negative impact padta hai.

 

8. Image optimize karna

Alt tag ka use

Post me image ka use karne ke baad dusra kaam hota hai image ko optimize karna. Search engine jaise Google, Yahoo aur Bing image ko padh nahi sakte isliye hume image ke sath ek Alt tag (Alternate text) use karna padta hai. Alt tag ka use karne se google ko yeh pata chalta hai ki aapki image kis baare me hai. Image title ke sath hi Alt tag ka use karne se On page seo behtar hota hai. Agar kisi karan se image post me load nahi ho pati hai to padhne wale ko image ki jagah Alt tag dikhai deta hai aur wo samajh jata hai ki image kisliye add ki gayi hai.

Alt tag me hamari post ka main keyword jaruru hona chahiye. Main keyword ko Alt tag me use karne se image search engine friendly banti hai aur post ki ranking badhne me bhi help karti hai. Sabhi images ke liye alag alag Alt tag ka use karna chahiye. Ek hi Alt tag ka use sabhi image me naa kare.

Image ki size

Hamari post me sabhi images ki size 50 kb ya isse bhi kam hona chahiye. Jyada badi size ki image post ke loading ka time badha deti hai. Iske liye hum image ko compress kar sakte hai aur uski size ghata sakte hai.

Caption ka use 

Image ke alt tag ko sirf search engine hi padh pata hai aur Alt tag page par show nahi hota hai. Agar hume apni image ko describe karna padhe to hum “Caption” ka use kar sakte hai. Hum image ke sath jo bhi caption likhte hai wo post me us image ke niche dikhai deta hai.

 

9. Bullets aur numbers

Post me kisi khaas jagah par hum Bullets aur numbers ka bhi use kar sakte hai. Bullets aur numbers ka use karne se post saaf suthri lagti hai aur padhne wale ko thik se samajh me bhi aati hai.

10. Page ki loading speed

On page SEO karne ke chakkar me kahi aisa na ho ki hamare page ki size had se jyada badh jaye. On page SEO me page ki loading speed ka sabse jyada effect padhta hai. Page ki loading speed usme use ki jane wali images, site me use kiye jane wale CSS codes aur dusre kai factor par nirbar karti hai.

Page loading speed ka jyada hona overall SEO ke liye nuksandayak ho sakta hai. Post me aap jo bhi image use kare uski size 50 kb se kam rakhne ki koshis kare. Jyada badi size ki image page ka loading time badha deti hai. Had se jyada images, animation aur flash ka use bilkul bhi naa kare.

kabhi kabhi aisa bhi hota hai ki hamari post ki size bahut kam hai fir bhi loading time jyada hai. Aisa hone par main problem site ke andar hoti hai aur use hume thik karna padhta hai.

 

11. External links / Outbound links

Hamari post me hum jab bhi koi dusri post ya kisi Website ki link add karte hai to use external link kaha jata hai. SEO ki liye yeh jaruri hai ki post me add hone wali koi bhi link dead (Broken) na ho. Isse on page seo par asar padta hai.

post se bahar jane wali link quality link hona chahiye. Agar aap apni post me Google ki link add karte hai to yeh SEO ki najar se best hai, lekin agar aap kisi aisi site ki link add karte hai jo illegal aur low quality ki hai to usse post ke SEO par negative prabhava hoga.

Read also  Google Search Console me Sitemap Kaise Submit Kare

External link agar aapki post se related hai to isse search engine aapki post ko khaas ahmiyat deta hai. Jab bhi aap kisi topic par post likh rahe hai to ussi topic ki dusri posts ki external link add karne ki koshish kare.

 

12. Internal links

Jab hum apni post me apni hi site ki kisi dusri post ki link add karte hai to ise Internal linking kaha jata hai. Jab bhi aap koi internal link add kare to use kisi khas word me add kare. Simple words, jaise click here, Open, New post, Old post me internal link add karne se SEO ka fayda nahi milta hai.

Internal linking se hum hamari site ki SEO quality badha sakte hai. Jab bhi aap kisi khas topic par likh rahe hai to usi topic ki dusri post ki link ko apni post me add kare. Isse post padhne wale ko usi topic par dusri jankari padhne me asani hoti hai aur hamari site ka Bounce rate bhi kam hota hai.

 

13. Keyword density

Hum post me jo kuch bhi likhte hai uska hamare main keyword se sambandh hona jaruri hai. Aisa naa hone par search engine ko ye decide karne me pareshani hogi ki aapne kis keyword ke liye post ko likha hai. Isliye hamare main keyword ka use puri post me hona jaruri hai. Lekin hume keyword ki density ka bhi dhayan rakhna padta hai.

Ek limit se jyada keyword post me use karne se post over-optimize ho jayegi aur search engine use low ranking me rakhega. 100 words ki post me agar hum 10 baar main keyword ka use karte hai to keyword density 10% hogi. Keyword density ka balance banaye rakhne ke liye hamesha apni post me 2% se jyada keyword density ka use nahi karna chahiye. Hum lagbhag har 100 words me 2 baar main keyword ka use kar sakte hai.

Keyword density maintain karne ke liye aap main keyword chahe jahan na likhe, isse post padhne wale ko dikkat ho sakti hai. Jahan par bhi keyword ki jarurat ho wahi par use sentence me milakar likhe.

 

14. Post ki lenght

Agar aap mujhse puchenge ki post ko google search engine ke first par kaise laye to mera jawab yahi hoga ki aap jitni badi post likh sakte hai likhe. Post ki lenght ko SEO ka main factor mana ja sakta hai.

Hamri post jitni badi hogi search engine use utni hi ahmiyat dega. Post lenghty hone ke sath sath optimize bhi hona chahiye. Bina SEO ki post chahe jitni badi ho wo kabhi first page par rank nahi karegi.

Aapke blog par likhi har post 1000 words se adhik ki hona chahiye. Internet par lagbhag har topic par article likhe hue hai aise me agar aap bhi ussi topic par post likh rahe hai to aapki post ka bada hona jaruri hai. Post me kuch bhi naya likhne ki koshish kare kyuki visitor already us post ko dusri site par padh chuka hota hai. Agar koi trick ya topic aisa hai jiske baare me internet par pehle se koi bhi post nahi likhi gayi hai to aise me aap post ko chota bhi likh sakte hai.

Agar aap kisi karan se post badi nahi likh paa rahe hai to usme bewajah faltu ki chize na likhe. Faltu ki baate post me likhne par padhne wale ki najro me aapki site ki negative image banegi. Aur dusri baar wahi visitor aapki site par nahi aayega.

 

15. Social sharing

Apni post ke end me social sharing ka option rakhna bahut jaruri hai. Google aapki site par social signals ka bhi dhyan rakhta hai. Google ki najro me social sharing hone ka matlab hai ki aapne aisi post likhi hai jise koi bhi padhne wala share kar sakte hai.

On page SEO ke liye jaruri hai ki aap apni site ki sabhi post ke end me Facebook, Twitter aur Google plus jaisi dusri social sites par sharing ka option rakhe. Aapki post jitni jyada share hogi utne hi aapki post par new visitors aayenge aur ranking improve hogi.

 

Maine iss post me on page SEO karne ki jankari puri tarah se likhne ki kohish ki hai. Mujhe ummid hai ki iss post ko padhne ke baad aapki on page SEO knowledge aur bhi badh jayegi. In sabhi on page SEO techniques ka use karke aap google jaise search engine me first page par aa sakte hai. Aapko yeh post kaise lagi aur agar iss post se sambandhit aapke koi sawal hai to aap mujhe comment karke puch sakte hai. Mujhe aapki help karne me khushi hogi.

 

Tags – on page seo ki jankari Hindi me, on page seo in Hindi, on page seo kaise kare, on page seo karne ka tarika.

Be the first to comment

Leave a Reply

Your email address will not be published.


*