Online Mobile Recharge Kaise Kare – Hindi Me Jankari

Online mobile recharge kaise kare

online mobile recharge kaise kare
Online mobile recharge kaise kare

Internet se online mobile recharge kaise karte hai – Jaisa ki aap sab jante hai har mobile user internet use karta hai. Internet ke bahut sare fayde hai aur hum internet se duniya bhar ki jankari prapt karte hai. Iske sath hi internet ki madad se hum online apna mobile recharge bhi kar sakte hai. Aaj me aapko bataunga ki recharge karne ke liye aap kis site ka upyog kare aur online mobile recharge kaise kare.

Mai aapko aisi site ke baare me bataunga jiski madad se aap kahin se bhi apna mobile recharge kar sakte hai. Ya fir apne android mobile me app download karke online mobile recharge kar sakte hai.

Online mobile recharge ke liye kya kya chahiye

Kisi bhi online site se mobile recharge karne ke liye hume us site par account banana padta hai. Aur recharge ke paise pay karne padte hai. Isliye aapko in chizo ki jarurat pad sakti hai.

  1. Debit/Credit card
  2. Internet Banking
  3. Email ID
  4. Mobile Number

Agar aapke baas Internet banking nahi hai to sirf debit card se hi kaam chal jayega.

 

MobiKwik se recharge kaise kare

Mobikwik online mobile recharge ke liye sabse best site hai. Is site par hume account banane ke liye jyada details nahi bharna padti hai.

Mobikwik par aap sirf apne mobile number se account bana sakte hai. Iske baad aap jab hi Mobikwik par login karenge to aapko apne mobile number enter karna honge. Fir aapke mobile par ek OTP password aayega, wo enter karne ke baad aap site me login ho jayenge.

Read also  Android Mobile Phone Me Call or SMS Block Kaise Kare

Mobikwik par login karne ke liye kisi username aur password ki jarurat nahi padti hai. Aapko sirf apne mobile number yaad rakhna hai, jo ki bahut aasan kaam hai.

Ab jante hai ki Mobikwik se online mobile recharge kaise kare.

  • Sabse pehle aap Mobikwik website ko open kare.
  • Fir apne mobile number se login kare. Agar aapka account Mobikwik par nahi hai to, account bana le. Account banane me 2 minute se bhi kam time lagega.
  • Login karne ke baad homepage par hi aapko mobile recharge ke liye box dikhai dega.
  • online internet se mobile recharge kaise kare
  • Ab sabse pehle apna mobile number enter kare.
  • Uske baad apna service provider select kare.
  • Apna state chune.
  • Last me amount dale (Jitne ka aapko recharge karna hai) aur “Recharge Now” button par click karde.

Ab aapko aapka mobile number aur total amount show hoga. Yahan par aap promo code ka bhi use kar sakte hai.  Jitne ka aapko promo code hoga utne paise aapko pay nahi karna padenge. Agar aapke paas koi promo code hai to wo enter kare aur apply kare. Ab “Pay” button par click karde.

Ab aage jante hai ki recharge ke paise pay karne ke liye kya karna hoga.

Online recharge ka payment kaise kare

Pay” button par click karne ke baad payment page open hoga. Yahan par aapko payment karne ke liye 4 option dikhai denge.

  1. Debit/Credit card
  2. Internet Banking
  3. MasterPass
  4. ATM Card
Read also  Jio Sim Ka Number, Balance, Internet Data Kaise Jane

In sabhi 4 option me se jyadatar sirf Debit card aur Internet banking ka hi use kiya jata hai. Lagbhag sabhi ATM card bhi Debit card hi hote hai.

Agar aapke ATM card par Visa, MasterCard, Maestro ya America Express ka logo print hai to aap use Debit card ki tarah use kar sakte hai. Ab jante hai ki online recharge ka payment kaise karte hai.

#1. Debit card ya Credit card se payment kaise karte hai.

Mobikwik me recharge ka amount pay karne ke liye sabse first option debit ya credit card ka show hoga.

debit card se mobile recharge kaise kare

  • Sabse pahle apne debit card ke 16 digit card number enter kare. (Card ki jankari niche dekhe)
  • Fir Expiry Month aur Expiry Year select kare..
  • Card ka CVV number enter kare.
  • Fir “Proceed” button par click karde.
  • Ab aapke registered mobile number par ek OTP password aayega, use enter kare aur “Make Payment” button par click kare.
  • Aapka payment process complete ho jayega aur mobile number recharge ho jayenge.

Agar aapko Debit card me kuch samajh nahi aa raha hai to is photo ko dekhe.

debit card ki jankari

  1. Ye 16 digit ke card number hote hai.
  2. Validity me “Valid Thru” month aur year enter karna hote hai. “Valid From” ki jarurat nahi hoti hai.
  3. Yahan aapka name likha hota hai.
  4. Yahan par Visa ya mastercard ka logo hota hai, jiska matlab aapka card debit card hai.
  5. Ye CVV number hote hai. CVV number sabse last me 3 digit ke hote hai.
Read also  Debit Card se Payment Kaise Kare - Debit Card Kya hai

Internet banking se recharge payment kaise kare

Agar aapke paas debit card available nahi hai to aap apni internet banking se recharge ka amount pay kar sakte hai.

Internet banking se payment karne ke liye aapke paas jis bank ka net banking hai use select kare. Aur proceed button par click kare.

internet banking se online mobile recharge kaise karte hai

Ab aapki bank ka payment gateway open hoga. Yahan aap apna username aur password enter kare aur login kare. Fir aapke mobile par OTP password aayega. Us password ko enter kare aur recharge ka amount pay kar de. Kuch hi second me online aapka mobile recharge ho jayega.

Online mobile recharge karne ka fayda

  • Aap ghar baithe kisi ka bhi mobile recharge kar sakte hai.
  • Aapko kisi retailer ya shop par nahi jana padta.
  • Payment digital method se hota hai, aapko cash payment ki jarurat nahi padti.
  • Extra amount nahi lagta. Jitne ka recharge hai utne hi paise lagte hai.

To dosto ab aap jante hai ki online mobile recharge kaise karte hai. Mere bataye tarike se aap kabhi bhi internet ki madad se apna mobile recharge kar sakte hai.

Mobikwik ki tarah hi aap Paytm aur Freecharge se bhi online mobile recharge kar sakte hai. In sabhi sites par payment karne ka tarika lagbhag same hota hai. Lekin Mobikwik par account banana aur login karna bahut easy hai.


Iske alawa in sabhi online recharge sites ki aapko mobile app bhi Google play store par mil jayegi. Jinhe aap download karke badi aasabhi se internet ki help se recharge kar sakte hai.