HomeMoney

Paypal account kaise banaye – Hindi me jankari

Paypal account kaise banaye – Hindi me jankari

Paypal account kaise banaye
Paypal account kaise banaye

Paypal account kaise banaye? paypal electronic money transfer ki ek badi company hai jo kisi bhi desh me paise online bhejti hai aur prapt karti hai. Kisi dusre desh se paise India me lane ke liye paypal ki jarurat padti hai. India me jo bhi online paise kamata hai unhe paise paypal se hi milte hai ya paypal jaisi dusri company se. Maan lo aapne online 10$ kamaye hai aur aapko wo paise aapke account me transfer karna hai to uske liye sabse pehle aapke wo paise paypal account me jayenge fir wahan se paise convert ($ se rupees me) hokar bank account me aa jayenge. Ab jante hai ki paypal account kaise banaye?

.

 

Paypal par account kaise banaye

Sabse pehle Paypal ki official website par jaaye. uske baad aapko homepage par Sign Up ka option dikhai dega, us par click kare.

Sign up par click karne ke baad “Individual account” ka option chune kyuki yeh account free hota hai. Jabki “Business account” ke liye kuch monthly charge lagta hai. Vaise bhi hume adhiktar “Individual account” ki hi jarurat padti hai isliye “Individual account” ko select kare aur “Continue” kar de.

 

 

Email address aur password

Next page par India select kare, apna email address aur password enter kare. Yaad rakhe aap jo email abhi enter karenge wahi aapka paypal account email hoga. Aapko paise email account se hi milenge isliye wahi email daale jo aapka hai aur aap use chalate hai.

Apni puri jankari enter kare

Yahan apna original name aur saari jankari sahi enter kare kyuki apka account baad me verifiy hoga. Mobile number bhi wahi daale jo ki aap daily use karte hai. Ek baar sabhi field puri karne ke baad “Agree and creat account” par click kare.

Next page par debit card link karne ka option aayega. Agar aap abhi debit card link nahi karna chahte hai toh “I’ll link my card later” link par click kar de fir page ki bottom me “Go to your account” par click kare. Ab hamara paypal account ban chuka hai.

 

Pan card details

Is page par aapko pan card se related jankari enter karni hogi. Apna naam jaisa pan card par likha hai vaisa hi yahan bhi enter kare. Same pan card number daale aur submit kar de.

 

Mobile number confirm kare

Apna personal mobile number enter kare. Aapke paas ek confirmation sms aayega wo enter karenge to aapka mobile number confirmed ho jayega.

.

 

Email id confirm kare

Confirl email option par click karne ke baad “Send mail” button par click kar de. Dekh le ki email wahi hai jo aapne starting me enter kiya tha. Aapke mail par ek confirmation link aayegi jis par click karne par aapka email bhi verified ho jayega.

 

Paypal se bank account jode

Sabse last me bank account link karne ka option aayega. yahan Apna personal bank account aur IFSC code enter kare. Yadi aapko IFSC code pata nahi hai toh “I don’t have my IFSC code” par click kare phir apni bank ka naam, state, city aur brank location select kare aur continue kar de.

 

Bank account confirm kare

Paypal se aapke bank account me 2 chote amount aayenge. Apne paypal account me back account confirmation page par yeh dono amount enter karne ke baad aapka bank account confirm ho jayega. Ek baar bank account confirm ho jane ke baad paypal se paise automatic aapke bank account me aa jayenge.

Paypal account ban jane ke baad aap kabhi bhi apne paise paypal ke madhyam se apne bank account me transfer kar sakte hai. Toh ab aap jante hai ki paypal account kaise banaye aur ummid karta hoon ki aap bina kisi problem ke apna paypal account bana lenge.

 

Yeh bhi padhe :-

 

 

Taga – Paypal account kaise banate hai, Paypal account kaise banaye, Paypal account kaise verified kare, paypal se bank account kaise jode, Paypal account kaise banaye aur verify kare, paypal ki puri jankari hindi me, paypal se paise kaise transfer kare, India me paypal account kaise banaye.

Comments (8)

Leave a Reply

Your email address will not be published. Required fields are marked *