Paytm se Payment Kaise Kare or Payment Kaise Le

paytm se payment kaise kare

Demonetisation hone ke baad se government digital payment ko badhawa de rahi hai. Bahut se smart phone user digital payment karne ke liye Paytm ka use kar rahe hai. Market me kai dukano par paytm se payment karne ki suvidha di ja rahi hai. Jisse grahko ko kharide gaye product ke liye cashless payment karne me dikkat nahi ho rahi hai.


Aaj hum iss post me janenge ki Paytm se kisi bhi dusre Paytm user ko payment kaise karte hai. Jisse ki aap bhi apne mobile me Paytm app ka use karke kisi ko bhi payment kar sakte hai.

Paytm se kisi dusre Paytm user ko paise dene ke liye QR code ka use kiya jata hai jiski process bahut hi simple hai. Aapko sirf dukan par lage QR code ko scan karna hai aur paise dukandar ke account me transfer ho jayenge. Paytm dwara kiye jane wale digital payment ke liye koi extra charge nahi lagta. Payment karne ki yeh suvidha bilkul free hai jisme aapse ek paisa bhi charge nahi kiya jata hai.

Paytm se payment kaise kare

Paytm se payment karne ke liye dukandar ke Paytm QR code ko scan karna padta hai. Aayiye dekhte hai paytm se payment kaise karte hai.

  1. Sabse pehle apne mobile me Paytm app ko open kare.
  2. Fir “Pay or Send” button par click kare.
  3. paytm se payment kaise kare qr code
  4. Ab “Scan Code” par click kare.
  5. Camera start hone par QR code ko scan kare.
  6. Fir amount enter kare aur pay kar de.
  7. End me aapko payment successful ka message show hoga.

Aapne jis QR code ko scan kiya hai uska naam confirm kar le. Dhyan rahe ki aapke paytm wallet me sufficient balance ho. To hai na bilkul simple process Paytm se Paytm me payment karne ki.

Paytm se payment kaise le

Ab tak aapne paytm se payment karne ke baare me padha. Ab jante hai ki agar aapko kisi se paise lene hai to wo paytm se kaise liye jate hai? Iske liye same process hai aapko bas samne wale ko apna QR code show karna hai. Aayiye jante hai kaise?

  1. Apna paytm mobile app open kare.
  2. Ab “Pay or Send” par click kare.
  3. Iske baad “Show Code” par click kare.
  4. Aapka paytm QR code show hoga jise paise dene wala apne paytm se scan karega.
  5. Scan karne ke baad paise dene wale ko aapka paytm name dikhai dega.
  6. Last me amount dalne aur pay karne ke baad paise aapke paytm me aa jayenge.

Is tarah aap apne friend aur family member ko unka paytm code scan karke paise de sakte hai aur unse paise le bhi sakte hai. Paytm se baad me paise bank account me transfer kiye jaa sakte hai.


NOTE – QR code dikha kar aap sirf apne friends ya family member se hi payment kar sakte hai. Is code ka use shop or retail store par payment transaction ke liye nahi kiya jaa sakta hai. Iske liye paytm se QR code alag se generate karna padta hai. Kyuki mobile app me generate hone wala QR code kuch minute ke baad change hota rahta hai.

Tags – Paytm se payment kaise kare, paytm QR code ki jankari, Paytm me paise kaise lete hai.

Add a Comment

Your email address will not be published. Required fields are marked *