Photo or Image ki Size Kam Kaise Kare Compress Kare

Kuch kaamo ke liye hume ek fix size ke photo ki jarurat padti hai. Lekin hamara photo ya image ki size bahut jyada hoti hai. Jyadatar photo or image ki size 1Mb se kam hoti hai aur kuch ki size 1Mb se bhi jyada hoti hai. Agar hume 20Kb ki size ka photo chahiye aur hamara photo 200Kb ka hai to aise me hume photo ki size ko kam karna padta hai. Agar aap bhi photo ya image ki size kam karne ka tarike dhund rahe hai to mai aapko bataunga ki photo ki size kam kaise kare. Image ki size kam karne ke liye aap apne android mobile ya computer ka use kar sakte hai ya fir online photo compress kar sakte hai.

photo ka size kam kaise kare

Students ko aksar online form fill karne ke liye kam size ki image upload karna padti hai. Agar aap bhi online form bharne ke liye apne photo ki size ghatana chahte hai to ye post aapke liye madadgar hogi.


Kisi bhi image ki size uski quality par nirbhar karti hai. Agar image high quality ki hai to uski size bahut jyada hogi. Aur agar low quality ki hai to size kam hogi.

Kisi bhi photo ki size ko kam karne ke liye agar uski quality ghata di jaye to us photo ki size bhi kam ho jayegi. Is process ko image compressing bhi kahte hai.

 

Photo ki size kam kaise kare computer me

Sabse pehle jante hai ki photo ki size ko hum computer ki madad se kaise kam kar sakte hai. Me aapko bilkul simple tarika bata raha hoon. Iske liye aapko internet ki jarurat bhi nahi padegi.

Step 1 – 

Apne computer me “Paint” open kare aur. Ab aapko jis photo ya image ki size kam karna hai use open kare. Image open karne ke liye paint me Ctrl+O button press kare.

Step 2 –

photo ki size kam kaise kare

  1. Sabse pehle resize button par click kare.
  2. Ab “Resize and Skew” window open hogi. Yahan par “Horizontal” value ko kam kare aur OK kar de.
  3. Aapke photo ki size kam ho jayegi, ab aap save karke size dekh sakte hai.

Aap “Percentage” ya “Pixels” me se koi bhi ek value ko kam karke apne photo ki size ko chota kar sakte hai.

Paint se kai baar kuch images ki size jyada kam nahi ho pati hai. Agar aap aur bhi jyada choti size ka photo karna chahte hai to fir aapko online apne photo ko compress karna hoga.

Online photo compress kaise kare

Photo ko compress karne ke liye online aapko bahut si sites mil jayegi. Jahan par aap free me kisi bhi size ke photo ko upload karke uski size ko bahut jyada kam kar sakte hai. Aayiye dekhte hai kaise?

  • Image compress karne ke liye compresspng.com site ko open kare.
  • online image compress kaise kare
  • Upload files button par click kare aur photo select kare. Aap ek sath 20 image select kar sakte hai.
  • Image select karne ke baad kuch hi der me wo compress ho jayegi.
  • Ab download button par click kare aur compress image ko download kar le.

Aap upar dekh sakte hai ki maine ek photo upload kiya tha jiski size compress hone ke baad 65% kam ho gayi hai. Is site par aap PNG aur JPEG dono tarah ki photos ko compress kar sakte hai.

Mobile se image ki size kaise ghataye

Agar aapke pass computer nahi hai to aap apne android mobile me bhi image ko compress karke uski size ghata sakte hai. Iske liye aapko same upar batayi gayi site ko open karna hai.

  • Site open hone ke baad “Upload Files” button par click kare.
  • Ab “Document” par click kare.
  • Fir apni gallery me se photo select kare.
  • Kuch hi der me image compress ho jayegi. Fir aap use download karle.

Iske alawa aap apne android mobile me image compress karne ki apps bhi download kar sakte hai. Me aapko kuch apps ki list bata raha hoon jinhe aap download karke photo ki size ghata sakte hai.

  1. Photo compressor
  2. Image compress
  3. JPG image size reducer 
  4. Photo resizer

 

Add a Comment

Your email address will not be published. Required fields are marked *