Reliance Jio Prime Membership Plan Ki Jankari Hindi Me

Reliance Jio ne ek baar fir se apne customers ke liye new announcement kiya hai. Lekin is baar aapko Jio ki free service nahi milegi. Jaisa ki aap sabhi ne suna hoga Chairman Mukesh Ambani ne march ke baad se jio ke new plans ki ghosna ki hai. Jisme Jio user ko ab recharge karwana hoga, uske baad hi jio ki free service jaise calling, internet data aur sms ka wo labh utha sakta hai. Iske liye 99 Rs. ka ek recharge plan banaya gaya hai, jise Jio Prime Membership plan naam diya gaya hai. Is post me, mai aapko jio prime membership plan ki jankari aur uske fayde bataunga.

Reliance Jio Prime Membership Plan Ki Jankari Hindi Me

Jio prime membership ki jankari

Jaisa ki aap sab jante hai Jio ne starting me welcome offer diya tha. Jisme pure 3 month ke liye Data, calling, SMS aur sabhi services user ke liye free thi. Uske baad happy new year offer me sabhi free services ko 31 march tak ke liye aur badha diya tha.


Ab 31 march aane wala hai aur aise me Reliance Jio ne apne new recharge plan Jio Prime Membership ki ghosna kar di hai. Prime membership me jio user ko 99 Rs. ka ek recharge karwana hoga, jiske baad use abhi milne wali free services aage bhi milti rahegi. Lekin sath hi 303 Rs. ka monthly recharge bhi karwana hoga.

Ye bhi padhe – Jio recharge plans details

Jio prime membership ke liye recharge karwane ke baad is plan ki validity 1 year ki rahegi. Ek baar prime membership lene ke baad aapko one year tak sirf 303 Rs. per month se hi recharge karwana hoga.

Prime Membership kyu jaruri hai

Agar koi Jio user prime membership nahi leta hai to bhi dusre sabhi tarah ke recharge karwa sakta hai. Without prime membership ke Internet Data bahut kam milega lekin calling free rahegi.

Maan lo aapne jio prime membership nahi liya hai to aapko 300 ke recharge plan me sirf 2.5GB 4G internet data milega. Aur prime membership hone par 300 ke recharge me 28GB 4G internet data milega jo daily 1GB ke hisab se rahega aur aap pure month use kar sakte hai.

ye bhi padheJio ka number kaise jane

Jio prime membership ke fayde

  • Aapko sirf ek baar hi 99 Rs se recharge karwana hoga.
  • Ye plan pure one year ke liye hoga.
  • Prime offer me aapko 303 ke recharge me daily 1GB 4G data milega.
  • Jio ki sabhi premium app ko free use kar sakte hai.

Prime membership ke liye last date

Is plan ki starting 1 march se ho chuki hai aur ending date 31 march 2017 hai. April 2017 se happy new year offer khatm ho jayega aur uske baad sabhi jio users ko free calling aur 4G data ke liye recharge karwana hoga. Jo user Jio prime membership 31 march se pehle lega wo 300 ke recharge me daily 1GB data ka labh utha sakta hai. Aur jo user prime membership nahi lega use 300 ke recharge me sirf 2.5GB internet data hi milega.

To jaldi kijiye aur 99 Rs. pay karke extra internet data ka maja lijiye. Aapko man me koi sawal ho to comment karke jarur puche.


Tags – jio prime membership plan info in Hindi, prime membership kya hai, Prime ki jankari Hindi me.

1 Comment

  1. बहुत ही बढ़िया article है ….. ऐसे ही लिखते रहिये और मार्गदर्शन करते रहिये ….. शेयर करने के लिए बहुत-बहुत धन्यवाद। 🙂 🙂

Comments are closed.