SEO Kya Hai – SEO Ki Puri Jankari Hindi Me

SEO ki puri jankari Hindi me

seo kya hai seo ki puri jankari Hindi meAgar aap naya blog ya website banane ki soch rahe hai, yaa fir aapne ek naya blog bana liye hai to aapke liye ye janana bahut hi jaruri hai ki SEO kya hai? Bager SEO ki jankari ke aap blog banane ke baad kuch nahi kar sakte. Blog banana bahut hi easy process hai lekin use successful banana thoda kathin kaam hai. Iss puri post me hum detail se  janenge ki SEO kya hai aur SEO ki jankari kisi bhi site ke liye kyu jaruri hai?

SEO kya hai

Kisi bhi site ya blog ko search engine ke hisab se vyavasthit (maintain) karne ki process SEO kahlati hai. SEO ka matlab hota hai “Search engine optimization” ya sidhe sabdo me hum kahenge search engine ke liye site ko optimize karna. Website ki field me SEO ka gyan hona hi success hone ki guarantee hoti hai.

Koi bhi search engine, jaise Google ke paas itna time nahi hota hai ki wo aapki post ko pura padhe aur use search result me ranking de. Iske liye hume khud hamari site ko aisa banana padta hai jisse Google use uski bhash me padh sake. Google ko usi ki bhash me samjhane ki iss prakriya ko hum SEO ke naam se jante hai.

 

SEO kyu jaruri hai

Agar aap apni site ya blog ko search engine me high rank par dekhna chahte hai to SEO ki puri jankari hona aapke liye bahut hi jaruri hai. Bager SEO knowledge ke aap apni site ko high rank me nahi laa sakte.

Aapne site to bana li lekin agar site search engine ke anusar optimize nahi hai to site ki ranking low hogi. Sabhi chahte hai ki search engine unki site ko high rank de, lekin aisa tabhi hota hai jab site search engine ke liye puri tarah se optimize ho. Google jaise search engine me high rank hone se blog ke success hone ke chance bhi badh jate hai.

Chahe aap kitna hi accha blog bana le aur uspar acchi post bhi likhe lekin aapka blog tab tak aage nahi badega jab tak aap ye na samjhe ki search engine aapke blog ko kaise dekhta hai. Mera matlab search engine aapke blog ko kaise padhta hai. Koi bhi search engine hamari site ko thik se samajh paye isliye SEO jaruri hota hai.

New bloggers ke liye SEO karna thoda mushkil kaam hai, lekin kuch time bitne ke sath hi SEO ki knowledge bhi badhne lagti hai. Aap jitna SEO ke baare me sikhenge utna hi aapko fayda hoga.

SEO kaise kaam karta hai

Sabhi search engine jaise Google, Yahoo aur bing ke paas kisi bhi blog ya website ko padhne ke liye special software hote hai. In special software ko web crawler ya spider kaha jata hai. Iske alawa sabhi search engine ke paas search result ko rank dene ke liye ek khaas search algorithm bhi hota hai.

Jab bhi hum koi post likhte hai aur use publish karte hai to web crawler usse padhkar search engine me submit karte hai. Fir search engine algorithm us post ko uski SEO quality ke hisab se search result me uski rank tay karta hai.
Search engine me high rank tabhi milti hai search engine algorithm ko lagta hai ki aapki post search kiye gaye keyword ke baare me hai aur puri tarah se keyword ki jankari uss post ya aapki site me hai.

Aur agar algorithm ko lagta hai ki aapki post search kiye gaye keyword se bilkul bhi nahi milti hai to wo use ranking me nahi rakhega. Fir chahe aapki post ussi keyword ke baare me thi.

Iss problem ka sirf ek hi solution hai ki hum apni site aur post ko iss prakar vyavasthit kare ki koi bhi search engine usse thik se samajh paye. Agar hum “SEO kya hai” keyword ke baare me post likh rahe hai to hume post ko SEO ki help se iss prakar likhna hoga ki search engine use iss keyword ke liye search result page me high rank de sake.

SEO se fayda

Sabhi naye bloggers ki pehli soch yahi hoti hai ki wo blog ya website banakar paise kamayenge. Aapne bhi yahi socha hoga. Isme koi burai nahi hai, kyunki sabhi paisa kamana chahte hai. Lekin iska matlab ye nahi hai ki sirf site bana lene se hi aap paise kamane lagenge. Agar aap new blogger hai to abhi ke liye paisa kamane ke baare me bhul jayiye aur sirf apni site ko improve karne ke baare me sochiye. Site ko improve karne ke liye pahle ye janana jaruri hai ki SEO kya hai aur SEO kaise kaam karta hai?

Bahut se naye blogger kuch dino tak blogging karne ke baad use chor dete hai kyuki wo jyada success nahi ho pate aur apna blog band kar dete hai. Iska sabse main reason hota hai search engine optimization (SEO) ko na samajh pana. New blogger SEO ko dhyan me nahi rakhte hai aur jaldi jaldi apni site ki ranking badhane ke upay khojte hai. Lekin aakhir me SEO hi site ki ranking badhane ke kaam aata hai.

Puri tarah se search engine ke liye optimize site kisi bhi search engine me high ranking par aati hai. Aur high ranking sites par visitors bhi adhik aate hai. Jitne jyada visitors site par aate hai utna hi jyada hamari site ko fayda hota hai aur kamai bhi hoti hai.


Agar aap bhi apne blog ko succesful banana chahte hai to aap sabse pehle yeh jane ki SEO kya hai? SEO ki puri jankari se aap apne blog ya site ko kisi bhi search engine ke result me top par laa sakte hai.

 

SEO ke types

Humne abhi tak sirf yeh jana ki SEO kya hai aur SEO kaise kaam karta hai. Ab hum janenge ki SEO kitne type ka hota hai, aur SEO kaise karte hai?

SEO ke main 2 type hota hai.

  1. On page SEO (On page optimization)
  2. Off page SEO (Off page optimization)

 

On page SEO ki jankari

Hum apni site me jo bhi internal optimization karte hai wo On page SEO ke under me aata hai. On page SEO me site ke alag alag hisso ko optimize karna padta hai. On page SEO hamare dwara site me kiye gaye work par nirbhar karta hai.

On page optimization ke kuch khaas point iss prakar hai.

  • Post title
  • Url structure
  • Heading 
  • Subheading
  • Images
  • Design
  • Navigation
  • kayword density
  • External links
  • Internal links
  • Site speed
  • Post size
  • Sharing

 

Off page SEO ki jankari

On page se alag Off page optimization me hum apni site ki search engine ranking badhane ke liye promotion aur site ki authority badhate hai.

Off page optimization ke khas point.

  • Social bookmarking
  • Backlinks
  • Social sharing
  • Domain authority


Ek baar aap ye samajh gaye ki SEO kya hai aur SEO kaise kaam karta hai? To iske baad aap apni site ko kisi bhi search engine result page par high rank me laa sakte hai.

Blog ya site bana lena sirf ek kadam chalne jaisa hai, uske baad milo chalna padta hai safalta pane ke liye. Aur agar aap milo chalne ke liye tayyar hai to aap 100% success honge aur apne blog se paise bhi kamayenge.

Maine SEO ki basic jankari detail me likhne ki koshis ki hai, aasaha karta hoon aapko pasand aayegi. Aap Kisi bhi link par click karke SEO ke baare me vistar se padh sakte hai.

 

 

Tags – seo kya hai, seo ki jankari Hindi me, basic seo in hindi, what is seo in Hindi, seo kyu kiya jata hai, seo ka kya matlab hota hai.

10 Comments

Add a Comment

Your email address will not be published. Required fields are marked *