HomeTricks and Tips

Sim Band Karne or Block Karne Ka Tarika Hindi Me

Jab bhi aapka mobile phone ghum jaye ya chori ho jaye to sabse pehle aapko apni sim block kar dena chahiye. Ye kaam sabse jaruri hai aur future me aapko safe bhi rakhega. Agar aap sim ko turant band kar dete hai to koi uska misuse nahi kar payega. Sim band karne ya block karne ka tarika bahut simple hai jo mai aapko is post me bata raha hoon.

Kai baar aisa hota hai ki hamari purani sim toot jati hai aur kaam karna band kar deti hai. Aise me aapko use pehle band karwan padta hai. Uske baad hi aapko usi number se new sim mil pati hai.

Sim Band Karne or Block Karne Ka Tarika Hindi Me

Sim band karne ka tarika

  • Apni sim band karne ke liye aapko sabse pehle customer care par phone lagana hai. India me sabhi telecom companies ke customer care number number 198 hai.
  • Agar aapki airtel ki sim ghum gayi hai to aap apne kisi friend ki airtel sim se customer care ko call kare.
  • Fir unhe apna mobile ya sim chori ho jane ke baare me bataye. Aur sim block karne ke liye kahe.
  • Ab customer care aapse aapki identity aur kuch information puchega. Aapne jis ID se sim kharida tha wo id apne paas rahe taki aap galat jawab naa de.
  • Iske sath hi aapse last recharge ya last call ke baare me pucha jayega.
  • Aapke jawab sahi hone par customer care dwara aapki sim block kar di jayegi
  • Sim block hone me kuch time lag sakta hai.

Is tarike se aap apni sim ko band karwa sakte hai. Sim block hone ke baad koi bhi us sim se calling nahi kar payega.

Agar aapke paas koi purani sim hai aur aap use band karna chahte hai to aap is tarike se use band kar sakte hai.

ye bhi padhecall block kaise kare

Sim block kaise kare

Customer care dwara sim band karwane ke baad aapko ek kaam aur karna hoga. Aapko apna mobile aur sim card chori ho jane ki FIR bhi likhwani hogi. Ye kanuni rup se jaruri hai, aur usi number se new sim lene ke liye. Iske liye aapko apne najdiki police station me application aur ID prof dekar FIR ki copy apne paas rakhni hogi.

Agar aapne apni kisi purani sim ko band karwaya hai aur sim aapke paas hi hai. To iske liye FIR karwane ki jarurat nahi hai.

ye bhi padheapna mobile number kaise jane

New sim kaise le

  • Usi number ki nayi sim lene ke liye aapko apne operator ke service center par jana hoga.
  • Aap apne sath me ek ID prof, Ek passport size photo aur FIR ki copy sath lekar jaye.
  • Aapko kuch service charge bhi dena hoga.
  • Uske baad aapko nayi sim mil jayegi.

Agar aapke paas purani sim hai aur aapne use band karwaya hai. To aapko us sim ko service center par sath me lekar jana hoga. Us sim ke number se hi aapko new sim mil payegi.

Ab aap sim band karne ka tarika jante hai. Is tarah aap apni chori ya old sim ko band karwakar usi number se new sim le sakte hai.